Një kapitull i ri ka nisur për Lori Hoxhën dhe partnerin e saj Vis Bajraktari, të cilët janë bërë prindër për herë të parë të një djali.
Besnike stilit të saj diskret, Lori ka zgjedhur ta mbajë këtë moment larg vëmendjes publike, ndonëse prej muajsh aludimet në rrjet nuk kishin munguar. Dyshimet nisën që në mars, pas një fotografie pranë motrës së saj Sara Hoxha, ku u vu re një bark i rrumbullakosur.
Çifti, i lidhur që prej viteve të studimeve, ka preferuar gjithmonë një profil të ulët publik për marrëdhënien e tyre, edhe pas daljes së parë së bashku në një event në fund të vitit 2025.
