Hyrja e linjës së produkteve për bebe Mam Baby në tregun shqiptar vjen si një risi për prindërit që kërkojnë prakticitet dhe cilësi në përditshmërinë e tyre. Nga biberonët te kutitë për qumësht pluhur, cucat apo pompat manuale të gjirit me një dhe dy koka, kjo linjë synon të thjeshtojë rutinën e nënave të reja, duke e bërë më të lehtë ushqyerjen dhe kujdesin për foshnjat.
Mes shumë historive që qarkullojnë mes nënave të “gjeneratës së re”, bie në sy edhe ajo e një mami që rrëfen sfidën e saj me bebin që nuk pranonte asnjë cucë. “Kam provuar pothuajse çdo model, por i vetmi që e mbajti ishte ai i Mam,” tregon ajo, duke e lidhur zgjedhjen jo vetëm me komoditetin për bebin, por edhe me qetësinë që i dha asaj si prind.
Në një kohë kur kërkesat për produkte funksionale dhe të besueshme janë gjithnjë në rritje, Mam Baby duket se po gjen vendin e vet në treg, duke ofruar zgjidhje të menduara për nevojat reale të nënave dhe foshnjave. Një tjetër element që e bën këtë linjë tërheqëse është edhe raporti cilësi-çmim, pasi produktet vijnë me çmime dukshëm më të favorshme krahasuar me ato që konsumatorët janë mësuar të shohin deri më tani në treg.
