Elijona Binakaj ka reaguar pas mesazheve dhe komenteve të shumta që thotë se po merr ditët e fundit, kryesisht në lidhje me raportin e saj me Klodian Mihajn.
Përmes një postimi në Instagram, ish-banorja e “Big Brother VIP Kosova” ka sqaruar se aktualisht ka zgjedhur të kalojë më shumë kohë me familjen dhe se nuk mendon se duhet të japë shpjegime për këtë vendim.
“Po më vijnë çdo ditë mesazhe dhe komente për faktin që po kaloj kohë me familjen time dhe jo me personin që ju doni të më shihni. Dua ta bëj shumë të qartë: familja ime është prioriteti im”, shkroi Elijona.
Lexo edhe:
Ajo shpjegoi se pjesa më e madhe e familjes së saj jeton në Kosovë dhe, për shkak se nuk ka mundësi t’i ketë gjithmonë pranë, dëshiron të shfrytëzojë çdo moment kur ndodhet me ta.
Elijona kujtoi se lidhjen e fortë me familjen dhe rëndësinë që ajo ka në jetën e saj e kishte shprehur edhe gjatë qëndrimit në “Big Brother VIP Kosova”.
