Sunday, May 28, 2023

|

Pipero: Pushimet do i bëj në Dhërmi, uji i detit nuk e përhap virusin

po lexohet

Mjeku Pëllumb Pipero ka deklaruar në një intervistë se pushimet e këtij viti do të bëhen normalisht duke ruajtur një distancë nga të tjerët, ndërsa zbuloi se vetë ai do pushojë në Dhërmi.

Ai siguroi se virusi nuk mund të merret nëse dikush pështyn në ujin e detit, duke theksuar se ai nuk transmetohet përmes ujit.

“Pushimet nuk do jenë si një vit më parë. Këtë vit nuk do pushojmë për qefin e dynjasë por për veten, do bëjmë qef më shumë se një vit më parë. Në rast se ruajmë distancat e shmangim virusin. Duhet të shmangen lokalet e natës por duhen zbatuar protokollet me distancë mes çadrave, të mos grumbullohemi në restorant dhe në breg të detit

Nëse has në pështymën e dikujt në ujin e detit nuk e merr virusin. Virusi nuk transmetohet përmes ujit. Edhe unë do i bëj pushimet në Dhërmi. Nuk do ikim të gjithë në një kohë.

Ka studime që thonë se me ngritjen e temperaturës ulet transmetueshmëria dhe ajo është ulur.

Por shifrat janë shtuar sepse është shtuar transmetueshmëria. Nëse do ishim të hapur në mars, numri do ishte më i lartë. Asnjë nga ne nuk bën dot parashikime. Do ishte mirë të shpëtonim prej opinioneve dhe të merremi me fakte. Në bazë të fakteve që shohim përditë po i themi këto që themi”, tha Pipero.

të fundit

Nuk ka qetësi për vendin fqinj, goditet nga një tjetër tërmet i fuqishëm, ja ku ishte epiqendra

Një tërmet me magnitudë 3.2 Rihter ka lëkundur vendin fqinj rreth orës pesë të mëngjesit sot. Epiqendra e tërmetit është...

të ngjashëm