Një debat i ashpër ka shpërthyer së fundmi në Instagram mes Anaid Kalotit dhe Luiz Ejllit, duke rikthyer në vëmendje tensionet mes tyre.
Gjithçka nisi me një reagim të gjatë nga Anaidi në InstaStory, ku pa e përmendur drejtpërdrejt emrin e Luizit, ai iu referua qartë situatës. Kaloti la të kuptohet se “drama nuk funksionon më” dhe se përplasjet me produksionin i përkasin së shkuarës. Në të njëjtën kohë, ai doli në mbrojtje të Kiarës, duke renditur angazhimet dhe sukseset e saj në Top Channel, nga “Portokalli” te “Fan Club” , dhe duke theksuar se ajo ka treguar gjithmonë mirënjohje dhe profesionalizëm.
Në postimin e tij, Anaidi nënvizoi se shpeshherë, sipas tij, burrat prishin më shumë punë kur pretendojnë se po mbrojnë gratë, veçanërisht ato që janë të suksesshme, duke lënë të kuptohet se qëndrimet e Luizit mund ta dëmtojnë Kiarën më shumë sesa ta ndihmojnë.
Lexo edhe:
Reagimi i Luiz Ejllit nuk vonoi. Këngëtari publikoi një status të drejtpërdrejtë dhe mjaft të ashpër dhe paralajmëruese ndaj Anaid Kalotit. Me këtë deklaratë, Luizi sugjeroi se mes tyre ka pasur edhe më herët përballje personale, ku situata ka përfunduar me kërkim faljeje nga pala tjetër, duke lënë të nënkuptohet se një përplasje e ngjashme mund të përsëritet.
