Oslo dhe Berlini do të lidhen sërish me tren për herë të parë pas më shumë se 20 vitesh, me një shërbim të ri direkt që pritet të nisë në vitin 2028.
Bashkëpunimi mes operatorit hekurudhor norvegjez Vy, kompanisë daneze DSB dhe Deutsche Bahn nga Gjermania do të bëjë të mundur këtë linjë ndërkufitare pa pasur nevojë për asnjë ndërrim treni gjatë gjithë rrugës.
Trenat ICE L të Deutsche Bahn do të lidhin dy kryeqytetet duke kaluar përmes Hamburgut, Kopenhagenit, Malmö-s dhe Göteborg-ut. Rruga përfshin ndalesa në qytete si Moss, Fredrikstad, Sarpsborg, Halden, Trollhättan, Göteborg, Halmstad, Helsingborg, Lund, Malmö, si dhe në aeroportin e Kopenhagenit dhe stacionin København H. Më pas, trenat do të vijojnë drejt Odense, Kolding, Padborg dhe Hamburg, për të mbërritur në Berlin.
Lexo edhe:
Sipas Vy, udhëtimi nga Oslo në Kopenhagen do të zgjasë rreth 7 orë, ndërsa i gjithë itinerari Oslo-Berlin do të zgjasë afërsisht 15 orë. Prej më shumë se 20 vitesh nuk ka pasur më një lidhje të drejtpërdrejtë hekurudhore nga Norvegjia drejt Kopenhagenit, thekson operatori.
Ndërsa Michael Peterson nga DB Fernverkehr theksoi se udhëtimi me tren është një alternativë e fortë ndaj makinave dhe avionëve, sidomos në kushtet e çmimeve të larta të karburanteve, duke nënvizuar rëndësinë e kësaj linje të re që bashkon tre kryeqytete të Europës Veriore.
