Nga aksidenti ajror në Korenë e Jugut deri tani raportohet për 122 viktima, por numri pritet të shkojë në 179.
Ka qenë ora 9 e mëngjesit me orën lokale të Koresë së Jugut, kur avioni i linjës Jeju Air me 181 persona në bord teksa po ulej në pistë është përplasur me një murē.
Mediat kanë publikuar edhe pamjet në momentin kur avioni është përplasur dhe më pas ka shpërthyer në flakë.
Lexo edhe:
Nga hetimet e para, tragjedia ka ardhur për faktin se avioni i tipit Boeing 737-8AS është përplasur me zogjtë në fluturim, duke shkaktuar një mosfunksionim në sistemin e rrotave.
Fluturimi i Jeju Air 7C2216, një avion Boeing 737-800, ishte duke u kthyer nga Bangkok, Tajlandë, në momentin e rrëzimit.
Mediat lokale raportojnë se në bord ishin 173 koreano-jugorë dhe dy tajlandezë – si dhe gjashtë anëtarë të ekuipazhit.
Ai kishte ndjekur një rrugë fluturimi në verilindje, mbi Tajvan, sipas të dhënave të gjurmimit nga Flight Radar.
Në orën 9.03 të mëngjesit me orën lokale avioni u rrëzua në Aeroportin Ndërkombëtar Muan në jug të vendit, duke shkaktuar 122 viktima deri tani.
