Pandemia e COVID 19 është prezente thuajse në mbarë botën dhe shumë shtete kohët e fundit po raportojnë për rritje të numrit të të prekurve nga virusi vdekjeprurës për shkak të heqjes së izolimit dhe rikthimit të pjesshëm në jetën normale.
Mirëpo mediat e huaja kanë dhënë lajmin e mirë se disa vende mund të konsiderohen shumë të sigurta, sa i përket infektimit nga coronavirusi. Zelanda e Re është një ndër shtetet e pakta që nuk ka raportuar për të infektuar për më tepër se tri muaj, ekzaktësisht për 100 ditë rradhazi.
Megjithatë instancat përkatëse kanë paralajmëruar qytetarët të tregojnë kujdes të shtuar pasi Vietnami dhe Australia po përballen me “ringjallje” të rasteve të reja dhe vigjilenca nuk duhet humbur.
Lexo edhe:
“Arritja e 100 ditëve pa ndonjë transmetim të virusit brenda vendit, është me të vërtetë moment historik, megjithatë duhet të qëndrojmë vigjilentë. Ne kemi parë jashtë vendit se si mund të përhapet virusi, sëmundja mund të rishfaqet përsëri. Duhet të jemi të përgatitur”, tha Drejtori i Përgjithshëm i Shëndetësisë, Ashley Bloomfield.
