Në një intervistë të dhënë pak kohë më parë, aktori Gentian Zenelaj tregoi për herë të parë arsyen se përse ai nuk fliste me mikun dhe kolegun e tij, Julian Deda.
Sipas tij, në momentin që ai vendosi të largohej nga “Vizion Plus”, ishte dhënë një urdhër që aktorët të mos i flasin, dhe Juli e zbatoi këtë urdhër. Përveç kësaj Juli sipas tij kishte bërë edhe disa statuse në Facebook, të cilat e kishin bërë Gentin të ndjehet keq.
“Me Julin është hatërmbetje, të mërzitur më shumë, me një njëri që e ke dashur shumë fort sesa një njëri që s’është askush në jetën tënde.
Lexo edhe:
Le të ngelemi miq, këtë kam thënë kur kam ikur nga ‘Vizion Plus’ dhe mu tha atëherë ‘o me ne o me ata’, unë shkova me ata, pastaj këta erdhën me këta”, tha Genti.
Mirëpo, një version pak më ndryshe vjen nga Juli, tashmë që djemtë i kanë rregulluar marrëdhëniet bashkë.
“Kur lashë Apartamentin 2XL, në një farë mënyre i dola nga fjala Gentit kolegut tim që e kisha prej shumë kohësh, gjë që solli dhe një ftohje shumë të madhe mes nesh. Unë duhej të lëvizja, e ndjeja nevojën të bëja diçka tjetër, të shkoja në një dimension tjetër”, tha ai.
