Saturday, April 13, 2024

|

spot_img

Në Bejrut u organizua ‘dasma’ më tragjike në botë

po lexohet

Shpërthimi tragjik që ndodhi në Bejrut duke i marrë jetën të paktën 137 personave, ka shkaktuar shumë trishtim por historia e një infermiereje të re e cila humbi jetën ka prekur gjithë botën.

Sahar Fares, një infermiere 24-vjeçare, ishte në mesin e të vdekurve në shpërthimet që ndodhën në kryeqytetin libanez.

Sahar dhe i fejuari i saj, Gilbert Karaan, kishin planifikuar të martoheshin në qershor të vitit 2021.

Meqenëse ëndrra e saj nuk u bë realitet, familja dhe i fejuari i saj i përgatitën një “dasmë” për të.

Gjithçka u bë saktësisht siç ndodh në dasmat libaneze, vetëm se këtë herë nusja ishte në arkivol. Muzikantët në rrobat e arta ceremoniale luanin ndërsa zjarrfikësit mbanin në supe një arkivol gjersa anëtarët e familjes hodhën petale trëndafili dhe oriz.

I fejuari i saj u mbajt mbi supe ndërsa përshëndeti të dashurën e tij në lot.

“Gjithçka që dëshirove do të bëhet, por vetëm ti nuk do të jesh e veshur me vello të bardhë. Më ke thyer zemrën, dashuria ime. Jeta nuk ka shije që kur ke ikur”, ka shkruar Karaan në rrjetet sociale para ceremonisë.

“Nusja ime e bukur. Dasma jonë do të zhvillohej më 6 qershor 2021. Në vend të kësaj do të jetë nesër. Unë të kam dashur, të dua dhe do të të dua gjithmonë. Deri sa të ribashkohem me ty dhe të vazhdojë rrugëtimin tonë të përbashkët”, shkroi më tutje ai.

Ditën e shpërthimit, Sahar e telefonoi të fejuarin e saj për t’i treguar rreth zjarrit të madh që shpërtheu në portin detar. Meqenëse askush nuk kishte nevojë për ndihmë mjekësore në atë kohë, ajo ishte ulur në kamion. Ndërsa zjarri u rrit, ajo doli nga kamioni për t’i treguar më mirë të fejuarit se çfarë po ndodhte. Ajo i tha se dëgjonte tinguj të çuditshëm që nuk i kishte dëgjuar kurrë më parë. I fejuari iu lut që të qëndronte larg, gjë që ajo e bëri, por ishte shumë vonë. Një shpërthim i madh pasoi duke i marrë jetën.

të fundit

Deklarata kontradiktore të Meriton Mjekiqit/ Çfarë ka rrëfyer moderatori për raportin me të birin para 4 vitesh

Meriton Mjekiqi e ka përmendur shumë herë djalin e tij, Loarin, në shtëpinë e Big Brother Vip ku shprehet...

të ngjashëm