Ledri Vula dhe Xhensila Myrtezaj janë rikthyer në qendër të vëmendjes së mediave rozë, këtë herë për shkak të disa detajeve që kanë nxitur aludimet për një krisje të mundshme mes tyre.
Dy artistët prej kohësh janë përfolur për një raport më shumë se miqësor, ndërsa së fundmi fansat kanë vënë re një ndryshim në rrjetet sociale: Ledri dhe Xhensila nuk rezultojnë më të ndjekin njëri-tjetrin në Instagram.
Ky detaj ka mjaftuar që në rrjet të nisin diskutimet për një distancim mes tyre. Madje, në disa aludime është përmendur edhe xhelozia si një shkak i mundshëm, por kjo mbetet e pakonfirmuar nga vetë artistët.
Lexo edhe:
Për këtë situatë ka folur edhe gazetari Egzon Avdijaj, i ftuar në emisionin “Mes’dritë” në Vizion Plus. Gjatë diskutimit për zhvillimet e fundit në showbiz, ai solli në vëmendje pikërisht faktin që dy artistët nuk ndiqen më në Instagram.
Në qendër të diskutimeve është rikthyer edhe një moment nga një koncert i fundit, ku, sipas videove të publikuara në rrjet, Ledri dëgjohet t’i drejtohet Xhensilës me fjalët “të dua”. Ky moment kishte shtuar më herët kureshtjen rreth raportit të tyre.
Gjithashtu, gazetari kujtoi një intervistë të mëparshme të Ledrit, ku reperi nuk e kishte mohuar kategorikisht mundësinë e një lidhjeje me këngëtaren.
Megjithatë, deri tani nuk ka një konfirmim zyrtar nga Ledri Vula apo Xhensila Myrtezaj se kanë qenë në një lidhje dhe as nuk ka ndonjë deklaratë prej tyre për një ndarje.
Për momentin, mungesa e “follow”-it në Instagram dhe aludimet e qarkulluara në rrjet janë ato që kanë ndezur diskutimet, ndërsa mbetet për t’u parë nëse dy artistët do të reagojnë publikisht.
