Ndiheni gjatë gjithë kohës të lodhur dhe nuk jeni në humor për të vazhduar ditën tuaj? Gjëja e parë që mendoni është një kafe ose një ëmbëlsirë. Por a e dini se ka disa zakone të thjeshta dhe të shëndetshme që mund tju ndihmojnë të rifitoni dhe mbani energjinë tuaj.
1. Filloni mëngjesin me një meze të lehtë
Kërkoni ushqime që kanë pak sheqer. Trupi juaj i përthith këto ushqime më ngadalë dhe nuk shkakton një rënie të papritur të energjisë tuaj. Kombinimi i karbohidrateve, yndyrës dhe proteinave është i mirë, karbohidratet ofrojnë energji të shpejtë, por proteinat dhe yndyrat do t’ju mbajnë të ngopur.
2. Provoni teknikat e stimulimit të frymëmarrjes
Frymëmarrja stimulon diafragmën dhe e bën trupin vigjilent. Me gojën e mbyllur, me frymëmarrje të shkurtër dhe të shpejtë , mund të thithni ose të nxirrni shpejt përmes hundës. Bëni këtë për rreth 10 sekonda dhe merrni frymë normalisht. Bëni një pushim dhe përsëriteni ushtrimin disa herë.
Lexo edhe:
3. Merrni vitaminë D
Vitamina D, e njohur si vitamina e diellit , krijohet në trupin tonë kur ekspozohet ndaj dritës së diellit. Kjo vitaminë është thelbësore për kocka të forta. Nivelet e ulëta të vitaminës D mund të shkaktojnë lodhje dhe dobësi. Rritja e marrjes së vitaminës D redukton lodhjen e muskujve dhe i mban qelizat e muskujve të shëndetshme.
Rritni marrjen e vitaminës D:
• Ngrënia e ushqimeve të pasura me vitaminë D (p.sh. të verdhat e vezëve, mëlçia dhe peshku i ujit të kripur).
• Qëndrimi në diell për 15 minuta.
• Marrja e suplementeve.
• Flisni me mjekun ose farmacistin tuaj përpara se të merrni ndonjë suplement.
