Më shumë se 80 plumba në drejtim të makinës, ky është 43-vjeçari që u ekzekutua mbrëmë në Shkup

Personi i ekzekutuar mbrëmjen e djeshme në Butel të Shkupit të Maqedonisë është 43-vjeçari Kamer Idrizi, një emër i njohur për policinë si person me precedentë të mëparshëm penalë. Kameri ka ndërruar jetë rrugës për në spital si pasojë e plagëve të marra.

Ndërkohë në rrezik për jetën është edhe një 22-vjeçar me iniciale E.I. i cili ndodhej në makinë me Idrizin në momentin e atentatit.

Media maqedonase “Ina” raporton se ai ka marrë 6 plumba dhe është dërguar me urgjencë në spital.

Lexo edhe:

Rritja e çmimeve të karburanteve, shoferët e transportit publik në Paris dalin në protestë

I kishte borxh një pasagjereje 890 euro, gjykata austriake sekuestron avionin e Ryanair

Askush s’shpëton, përveç tyre: Dy vendet e vetme “imune” ndaj bombës atomike

E trishtë/ Mbyll sytë përgjithmonë aktorja e njohur (Emri)

Ngjarja ndodhi mbrëmjen e djeshme rreth orës 22:00 në parkingun në kryqëzimin e bulevardeve. Në drejtim të automjetit të viktimës janë qitur më shumë se 80 plumba.

Kamer Idrizi kishte qenë në qendër të mediave vendase në vitin 2019 kur disa persona të maskuar qëlluan në drejtim të tij në një hotel në Shkup.