Aktorja e humorit Eliona Pitarka ka zgjedhur që ta porosisë nga Rusia fustanin e saj të nusërisë që veshi natën që lidhi kurorë me babain e vajzës së saj, Gala, Desi. Në një rrëfim për “Jo Vetëm Modë” në Tv Klan, Pitarka tregoi se për fustanin e bardhë kryesor kishe vendosur vetëm pak ditë para ceremonisë dhe si model e kishte parë në internet.
Nga kërkimet, kishte rezultuar se fustani në fjalë ishte e një stilisteje ruse, e cila ia kishte bërë vetëm duke i dërguar përmasat. E më datë 20 mars, dy ditë para dasmës, fustani i mbërriti.
“Me fustanin ka qenë një histori më vete. Nuk vendosa dot në asnjë moment, në asnjë fustan kur shkova të shikoja diçka. Doja diçka shumë të pastër, e kisha menduar me mëngë të gjata, saten, të ishte i lëshuar dhe pa kosh. Nuk po e gjeja. U futa në Pinterest dhe po shikoja modele dhe shoh një fustan që sa e pashë, u magjepsa.
Lexo edhe:
Shikoj se ku ishte, “Vesnja” lexonte, futem të kërkoj në Google, në Instagram, pashë faqen e Instagramit, ishte një stiliste ruse. I shkruaj në WhatsApp, kontaktoj me të, ajo më thotë “në rregull do ta bëjmë me përmasat e tua, mund të na çosh vetëm masat e trupit dhe do ta bëjmë”. Po pyesja veten, një fustan të thjeshtë po të qepësh ti duhet të shkosh 3-4 herë te stilistja për të bërë prova, jo më të çosh vetëm masat deri në Rusi për të bërë një fustan, më dukej absurde, por rrezikova.
Në fillim të muajit Mars e vendosa, ne më 22 e kishim. Deri në momentin e fundit, nuk e vendosa. I thashë “e kam më 22, e realizojmë dot?”, më tha “po, pa merak, do ta bëjmë”. I çova masat dhe ma kanë sjellë fiks në datën 20, në 22 kisha dasmën. Kur ka ardhur fustani, e kam nxjerrë duke m’u dridhur duart, a do më vinte siç duhej, e kam veshur dhe ishte fiks.
Mendoj që mund të jem e vetmja që ta marr një risk të tillë. I pari ishte ai që do të mbetet gjithmonë, edhe për peripecitë, edhe për sikletin që kalova dhe faktin që unë doja që ta kisha kujtim dhe doja ta blija me se s’bën fustanin, pse jo edhe për t’ia lënë trashëgimi Galës.
Mendoj që duhej të ndryshoja, mendoja që sa herë të ndërrohesha të dukesha ndryshe. Pastaj mendova që sado të ishte i gjatë, do më pengonte te këmbët, ndaj doja ta shijoja në maksimum dhe doja të kisha dëshirë të kisha diçka të shkurtër që të kërceja deri në fund,”- tregon Pitarka.
