Kanë marrë një tjetër kthesë hetimet për ngjarjen e rëndë në Klos mesditën e sotme ku u vranë me armë zjarri babë e bir dhe më pas autori i krimit kreu vetëvrasje.
Dyshimet janë se dy adoleshentët Kenado Shira 17-vjeç dhe kushëriri i tij 14-vjeçar Renato Hasula kishin shantazhuar me foto dhe video vajzën e autorit të vrasjes së 2-fishtë, Fiqiri Mjeshtri.
Sipas Ora News, për shkak të ngacmimeve që kishin vazhduar për disa ditë, e mitura kishte 4-5 ditë që nuk shkonte në shkollë, ndërkohë që në dijeni të konfliktit kanë qenë edhe mësuesit.
Lexo edhe:
Ka qenë Fiqiri Mjeshtri ai që ka kërkuar të takohen në lokal që të sqarohen duke thirrur baballarët e dy djemve, Ilir Shira dhe Eglantin Hasula, të cilët ishin baxhanakë me njëri tjetrin. Bashkë me ta në lokal kanë qenë edhe dy djemtë e tyre, të cilët sapo kishin dalë nga shkolla.
Fillimisht ata janë konfliktuar fizikisht dhe më pas Fiqiri Mjeshtri i cili shoqërohej edhe nga dy vëllezërit e tij, ka nxjerrë armën duke vrarë babë e bir Ilir dhe Kenado Shira ndërsa ka plagosur Eglantin dhe Renato Hasulën.
Aktualisht në pyetje në lidhje me ngjarjen e rëndë po merret vajza e Fiqiri Mjeshtrit i cili u vetëvra pas kryerjes së vrasjes së 2-fishtë. Ajo është pyetur nga efektivët nën shoqërinë e psikologes së shkollës.
