Orinda Huta dhe Turjan Hysko së shpejti do të bëhen prindër për herë të parë. Moderatorja bukuroshe është në ditët e fundit të shtatzënisë dhe pritet që të sjellë në jetë një vajzë.
Teksa po shijon ende pritjen e ëmbël, prezantuesja e dashur për publikun shqiptar është shumë aktive në Instagram dhe sëfundmi ka zhvilluar një bashkëbisedim me ndjekësit në rrjetin social. Ndër të tjera, ajo ka folur për momentet më të vështira gjatë shtatzënisë.
Megjithëse e ka prekur më parë si temë, Orinda ka rrëfyer edhe njëherë periudhën kur zbuloi se kishte Covid, teksa tregoi se ka pasur edhe momente të tjera të vështira.
“Në ditën kur është shkrepur kjo foto mora vesh që isha shtatzënë. Të nesërmen mora vesh që kisha Covid. Për një muaj kam qenë në vështirësi dhe lutesha që çdo gjë të shkonte mirë. Covidi u kthye në problem shumë të madh dhe për mamin tim. Isha kaq shumë në merak për të dhe mendoja se stresi do ndikonte për keq. Por Zoti donte që të shkonte mirë dhe ashtu vijoi. Kam pasur momente të tjera të vështira? Po kam pasur, por lavdi Zotit kaluan. Lutem të shkoj mirë deri në fund”, ka rrëfyer ajo, ndërkohë që ka ndarë një foto ku ka pozuar para stadiumit “Air Albania”. 
