Një foto e publikuar në media ka ngritur dyshime për një lidhje mes biznesmenit Krenar Çoçaj dhe Miss Universe Albania 2023, Endi Demneri. Dyshja u fotografua në klubin e njohur Ushuaia në Ibiza dhe kanë ndarë story nga i njëjti vend dhe në të njëjtën kohë.
Pas publikimit të fotos, mësohet se është bërë një denoncim ndaj personit që e ka dërguar materialin në media, për cënim të privatësisë. Fotografia dyshohet të jetë realizuar pa dijeni dhe pa pëlqimin e tyre.
Sipas ligjeve spanjolle, fotografimi dhe publikimi i imazheve të personave në rroba banje pa lejen e tyre përbën një vepër të rëndë penale, veçanërisht kur materiali shpërndahet në media apo rrjete sociale pa autorizim.
Asnjë reagim publik deri tani nga të dy, ndërsa zërat për një romancë të mundshme vijojnë të qarkullojnë.
