Java nisi me diell por do të mbyllet me reshje dëbore. Ja çfarë paralajmërojnë sinoptikanët

Java nisi me diell por me temperatura të ulëta.

Sipas parashikimeve të sinoptikanëve, duke nisur nga e nesërmja e deri në fund të javës thuhet se vendi do të përfhihet nga reshje shiu.

“Duke filluar nga dita e martë dhe të paktën deri ditën e premte do të jetë prezente në të gjithë territorin shqiptar për pothuajse gjatë 24 orëshit. Parashikohet që, duke filluar nga dita e martë të kemi rritje të lagështirës në ajër çka do të bëjë që të kemi prezente reshjet e shiut, reshje të cilat do të jenë prezente në ultësirën perëndimore ditën e martë, ditën e mërkurë, po ashtu ditën e enjte dhe ditën e premte do të jenë në sasi të pakta. Herë pas here në zona të izoluara pritet të kemi reshje të izoluara, por që do të jenë në sasi të pakta”, u shpreh Hakil Osmani.

Lexo edhe:

Ulen temperaturat, reshje shiu dhe bore në vend/Ja parashikimi i motit për këtë të enjte

Parashikimi i motit/ Si do variojnë temperaturat përgjatë ditës

Reshje shiu e dëbore në disa zona, njihuni me parashikimin e motit për ditën e sotme

Nisin reshjet e borës në Kukës/ Temperaturat zbresin deri në –16°C, autoritetet i bëjnë thirrje shoferëve për kujdes

Për shkak të temperaturave të ulëta në disa zona malore raportohet se do të ketë dhe reshje dëbore.

“Për sa i përket zonave malore do të kemi rishfaqje të reshjeve të dëborës, kryesisht në verilindje do të jenë më të dukshme dhe më pak prezente priten të jenë në zonat juglindore të territorit shqiptar. Reshjet e dëborës do të jenë në 1 mijë metra katrorë nga niveli i detit”, tha Osmani.