Gazetarja Anila Hoxha ka deklaruar se synimi i personave që u futën në shtëpinë e biznesmenit Nazmi Çangu nuk ishte grabitja e parave të tij.
“Katër ditë më parë është parë një automjet i vjedhur në Tiranë ka monitoruar lëvizjet e biznesmenit. Dyshohet se kanë hyrë nga pjesa e pasme. Ajo që kanë veçuar hetuesit, fillimisht grabitësit kanë kërkuar dokumente në kasafortë.
Ka mundësi të jetë një grabitje për shkak të konflikte për fajdet. Ky shtetas është përmendur në një proces tjetër, të çështjes Shullazi. Ai është pyetur dhe për këtë të fundit, dhe ai ka këmbëngulur se nuk ka konflikt me Shullazin. Gjithçka bazohet në dëshminë e nazmi Çangut. Policia shpreson shumë që një kapele e gjetur në ullishte mund të çojë në identifikimin e autorëve. Shpresa më e madhe lidhet me identifikimin e automjetit që ka survejuar lëvizjet e familjes Çangu. Makina u vodh në një resort në Tiranë. Nazmi Çangu megjithëse ka dhënë rrëfim të detajuar, ai gjithsesi ka theksuar faktin se grabitësit kanë kërkuar dokumentat dhe më pas i ka çuar te kasaforta ku ai thotë se i ka nga të ardhurat e biznesit të tij”, tha ajo në Open.
