Shqipëria, tashmë larg të kaluarës së saj izolacioniste komuniste, është anëtare e NATO-s dhe ndodhet në lindje të Detit Adriatik, përballë thembrës së Italisë. Ofron klimë mesdhetare, plazhe piktoreske dhe male të bukura, si dhe një kosto jetese që është sa gjysma e asaj në SHBA. Qeveria është e qëndrueshme dhe kriminaliteti serioz është i ulët.
Sistemi shëndetësor është vetëm i mjaftueshëm (por po përmirësohet), megjithatë disa pacientë preferojnë të vizitojnë specialistë në Itali. Sigurimi shëndetësor privat është i domosdoshëm. Anglishtja flitet, por jo kudo.
Nuk ka një marrëveshje tatimore me SHBA-në për të shmangur taksimin e dyfishtë, por Shqipëria nuk i taton të ardhurat nga pensionet e të huajve. Viza D për Qëndrim të Gjatë, që çon drejt vizës së pensionit, kërkon një të ardhur pensioni prej rreth 17,500 dollarë në vit.
Lexo edhe:
Ndër të metat janë mungesa e fluturimeve direkte për në SHBA (duhet ndërrim diku gjatë rrugës), si dhe përmbytjet që mund të ndodhin gjatë stuhive. Vendet më të preferuara për pension janë kryeqyteti Tirana, qytetet bregdetare Durrësi dhe Vlora, si dhe qyteti malor i Shkodrës.
Ja disa keshilla nga Forbes
Vend me klimë mesdhetare, plazhe të bukura dhe panorama mbresëlënëse
Vendndodhje të rekomanduara: Tirana, Durrësi, Vlora, Shkodra
Kosto jetese: Shumë më e ulët se mesatarja në SHBA
Shëndetësia: E mjaftueshme
E drejta për qëndrim: Relativisht e lehtë për t’u përfituar
