Edhe pse është emisioni më i ndjekur në Shqipëri, duket se aty po tejkalohet cdo etikë televizive nga banorët.
Bëhet fjalë për gjuhën e ashpër dhe dhunën fizike që kanë ndodhur brenda shtëpisë më të madhe në Shqipëri, Big Brother Albania.
Rasti më i fundit, ishte ai ditës së sotme, ku aktori i njohur, tashmë konkurrent i Big Brother Albania, Amos Zaharia, ka shprehur versionin e tij sesi do ta dënonte Luis Ejllin.
Kristi: Çfarë do t’i bëje? Do ta vrisje?
Amos: Jo, nuk do ta vrisja. E di unë se çfarë do t’i bëja, atë që meriton. Do ta çoja në mal, do ta zhvishja lakuriq, do ta xhiroja, do t’i thoja kërko falje. Pastaj shikoje ti, i jep më gojës…
Burime për Vip-magazine.al kanë bërë me dije se lidhur me këtë situatë, ka reaguar AMA, Autoriteti i Mediave Audiovizive, e cila i ka tërhequr vëmendje Top Channel për gjuhën e përdorur nga banorët e Big Brother Vip.
Vip-magazine.al mëson se tërheqja e vëmendjes ka ardhur pas episodit të Amos-it, pasi është e ndaluar që në televizione të transmetohen emisione që nxisin ose justifikojnë dhunën.
“nenin 4,”Parimet themelore per veprimtarine e transmetimeve audiovizive”, pika 2/d: “moslejimi i transmetimeve qe nxisin intolerancen ndermjet shtetasve” dhe 2/dh: “moslej imi i transmetimeve qe nxisin ose justifikojne dhunen“.
nenin 32, “Rregulla te pergjithshme per ofruesit e sherbimeve mediatike audio dhe/ose audiovizive”, pika 4 “OSHMA-te nuk transmetojne programe me permbajtje qe te nxisin urrejtjen …. dhe çdo forme tjeter diskriminimi”., -thuhet në vërejtjen e AMA-s për Top Channel.
Lidhur me deklaratën e Amos-it, kanë reaguar edhe personazhe të njohur publik, të cilët janë shprehur kundër kësaj gjuhe.
I vetmi që nuk ka reaguar për këtë situatë, ka qenë Top Channel.
/Vip-magazine.al/
