Një ngjarje e rëndë ka ndodhur në Argjentinë, ku nëna e dy fëmijëve ka vrarë veten pasi ish-i dashuri kishte postuar foto të saj me përmbajtje pornografike në rrjetet sociale.
Para se të qëllonte veten me armë zjarri, 26-vjeçarja Belen San Roman u la një shënim fëmjëve të saj, ku shkruhej fjalëkalimi i telefonit, si një shenjë që do ta çonte policinë drejt ish-të dashurit.
E ndjera, që punonte si oficere policie, ndërroi jetë në spital, pasi luftoi me vdekjen për 4 ditë, shkruan TheSun.
Ndërkohë, policia ka bërë arrestimin e ish-partnerit të viktimës, Tobias Villarruel, i cili dyshohet se ka publikuar pamje porno në internet pa lejen e gruas, si një formë për t’u hakmarrë ndaj saj.
Mësohet se San Roman kishte dy fëmijë, të moshës 8 dhe 2 vjeç.
