Avioni presidencial amerikan Air Force One, që transportonte presidentin e SHBA-së, Donald Trump, u ul në mënyrë të sigurt në bazën ajrore Joint Andrews, pranë Uashingtonit, pas shfaqjes së një “problemi të vogël elektrik” gjatë fluturimit, teksa ndodhej mbi Atlantikun e Veriut.
Sipas burimeve, problemi teknik u vlerësua si jo serioz, megjithatë u mor vendimi që avioni presidencial të kthehej në bazë.
Presidenti amerikan pritet ta vijojë udhëtimin e tij me një tjetër avion presidencial, me shumë gjasa një C-32A të Krahut të 89-të të Transportit Ajror.
Me këtë avion, Donald Trump do të udhëtojë drejt Zvicrës për të marrë pjesë në Forumin Ekonomik Botëror, i cili zhvillohet çdo vit në Davos, ku është planifikuar të zhvillojë një sërë takimesh dhe ndërhyrjesh në kuadër të punimeve të Forumit.
