Ndahet nga jeta punonjësi i Qendrës Kombëtare të Urgjencës Mjekësore, Artur Ndreu.
Lajmin e ndarjes së tij nga jeta e ka bërë me dije Qendra Kombëtare Urgjencës Mjekësore, e cila shkruan se Ndreu ishte dhënës i ndihmës së parë, shofer ambulance dhe njeri i dedikuar në shërbimin e Urgjencës para-spitalore të Tiranës.
Bëhet me dije se Ndreu ishte infektuar me COVID-19, dhe kishte marrë pushim për t’u vetë-karantinuar në shtëpi.
Shkruan QKUM:
QKUM shpreh ngushëllime familjes dhe të afërmeve. Artur Ndreu, i palodhur dhe kudo ndodhur! Arturi dhënës i ndihmës së parë, shofer ambulance dhe njeri i dedikuar në shërbimin e urgjencës paraspitalore të Tiranës. Fatkeqësisht u nda nga jeta në mënyrë të papritur. Do t’i mungosh familjes, pacientëve, kolegëve, urgjencës, miqve dhe shokëve. Lamtumirë Artur, të qoftë dheu i lehtë!
