Një punonjëse logjistike në Spanjë ka humbur betejën ligjore kundër punëdhënësit, pasi vijoi të shkonte rreth 40 minuta para orarit të punës, pavarësisht paralajmërimeve të shumta që të respektonte fillimin e turnit.
E reja 22-vjeçare duhej të niste punën në orën 07:30, por zakonisht mbërrinte midis 06:45 dhe 07:00. Sipas Metro, ajo ishte paralajmëruar në mënyrë verbale dhe me shkrim gjatë gjithë vitit 2023, por nuk ndryshoi sjellje.
Edhe pas masave disiplinore formale, 22-vjeçarja vijoi të shkonte herët të paktën edhe 19 herë. Në disa raste, madje u përpoq të regjistrohej në aplikacionin e kompanisë para se të hynte fizikisht në zyrë.
Lexo edhe:
Punëdhënësi vendosi ta largonte për shkelje të rëndë disiplinore, duke argumentuar se problemi ishte mosbindja e vazhdueshme ndaj rregullave dhe udhëzimeve të qarta. Kompania ngriti edhe një shqetësim tjetër për prishje besimi: punonjësja dyshohet se kishte shitur një bateri të përdorur të automjetit të kompanisë pa autorizim.
Gjykata Sociale e Alicante-s i dha të drejtë kompanisë. Sipas vendimit, çështja nuk lidhej me faktin që punonjësja shkonte herët, por sepse refuzonte në mënyrë të përsëritur të respektonte orarin dhe rregullat e vendosura, sjellje që konsiderohet shkelje e rëndë sipas nenit 54 të Statutit të Punëtorëve në Spanjë.
Punonjësja mund të apelojë në Gjykatën Supreme të Valencias.
Megjithatë, rasti ka shkaktuar trazira në mediat sociale, pasi shumë përdorues e kanë të vështirë të besojnë se dikush mund të pushohet nga puna sepse ka ardhur në punë… shumë herët.
