Besa si një “Titan” i vërtetë në ‘Eurovision 2024’, përfundon me sukses performancën e saj në Malmo

Besa Kokëdhima ka dhënë një performancë mbresëlënëse në gjysmëfinalen e dytë të “Eurovision 2024”, duke përfaqësuar Shqipërinë me këngën “Titan”.

Skena e “Malmo Arena” në Suedi u ndriçua nga prania e saj, ndërsa ajo interpretoi me pasion dhe thellësi emocionale këngën e saj të fuqishme.

Performanca e sivjetme e Shqipërisë u prit me ovacione nga audienca, dhe Besa performoi e dyta në renditje, me çka mban kodin 02, përmes të cilit mund të votohet me sms nga shqiptarët e shteteve që mund të votojnë sonte.

Lexo edhe:

“Bebit nuk i rreh më zemra!”, rrëfimi prekës i Turjan Hyskos, nga humbja e shtatzënisë së parë të Orinda Hutës dhe ardhja në jetë e Atarës përmes IFV

“Babi do jetë engjëlli jonë mbrojtës”/ Selvije Jao rikthen foton krah Shpat Kasapit dhe djalit, ja mesazhi prekës

E bujshme! Gazetari i madh shqiptar thirret në SPAK, dalin detajet e papritura

“S’keni çfarë të më bëni”, aktori Jul Deda në SPAK: I keni rënë gabim

Shtetet nga të cilat mund të votohet sonte janë: Malta, Greqia, Zvicra, Çekia, Franca, Austria, Danimarka, Armeniam Letonia, Spanja, San Marino, Gjeorgjia, Belgjika, Estonia, Italia, Izraeli, Norvegjia dhe Holanda.

Nga shqipëria gjithashtu mund të votohet, por jo për Shqipërinë – ndërsa shqiptarët nga Kosova mund të votojnë Besën përmes aplikacionit të Eurovisionit, i cili është i disponueshëm për shkarkim në smart-phone-at e tyre.

Pas performancës së saj të jashtëzakonshme, shpresat janë të larta që Besa Kokëdhima do të jetë një nga emrat që do të grumbullojnë votat e nevojshme për të vazhduar rrugëtimin drejt suksesit në edicionin e këtij viti të Eurovision.

Nga 16 shtetet pjesëmarrëse në mbrëmjen e sotme, 10 prej tyre do të kualifikohen për në finalen e madhe.