Moderatorja Arbana Osmani ka dhënë një mesazh të fortë në nisje të spektaklit të Ferma VIP, pas situatave të krijuara në rrjet nga ofendimet ndaj Olës dhe reagimeve të shumta të publikut.
“Mbështetja dhe dashamirësia ndaj një vajze, nuk ka pse të sjellë linçim dhe denigrim për një vajzë tjetër. Do t’ju lutesha të keni kujdes për gjuhën e urrejtjes”, u shpreh Arbana, duke apeluar për më shumë respekt dhe etikë në komentet online.
Deklarata e saj vjen pas debatit të madh që ka shpërthyer në rrjete sociale, ku ndjekës të ndryshëm kanë ndarë opinione të forta lidhur me banorët e spektaklit.
