Prej gati 6 vitesh, Albi Nako ka qëndruar vetëm në prapaskenë, duke përgatitur koreografi për balerinët e ndryshëm.
Edhe pse ishim mësuar që ta shihnim gjithmonë Albin të performonte, duket se kjo gjë nuk ka për të ndodhur së shpejti. Ai ka treguar se ka largimi i tij nga skena, ka qenë pasojë e një sëmundjeje.
“Nuk jam në profesion prej 6 vitesh, kam pasur një sindromë në këmbë e gjunjë që më është shfaqur dy herë, duke marrë gjithë mjekimet dhe farmacitë me rradhë gjërat përkeqësoheshin dhe u detyrova me mjekime popullore u riktheva, por është një lloj problem gjymtyrësh që unë nuk duhet të kërcej, madje as vrap nuk duhet të bëj dhe këto janë kostot e profesionit, quhet sëmundje e moshave të reja profesionale. Kjo më bëri të largohem nga skena, më plas shpirti ndonjëherë që të kërcej, e bëj por mund të kem kosto nga mbrapa,” është shprehur Albi.
Lexo edhe:
