Në intervistën e saj me Oprah Winfrey, Meghan, Dukesha e Sussex tha se gjatë kohës sa ishte shtatzënë, ishin bërë diskutime rreth statusit të fëmijës së saj të ardhshëm, përfshirë dhe çfarë titulli do të duhej ai ose ajo të pranonte.
“Ata thoshin se nuk dëshironin që foshnja të merrte titullin princ ose princeshë, ende pa e ditur se si do të ishte gjinia e saj, gjë që do ishte ndryshe nga protokolli”, tha ajo gjatë intervistës.
Çfarë thotë protokolli mbretëror?
Mirëpo, çfarë sa i përket statusit të Archie-t
Sipas letrës së vitit 1917, Archie ka të drejtë të bëhet një princ – mirëpo jo tani.
Fëmijët e Harry dhe Megan, njëherësh Duka dhe Dukesha e Sussex, do të duhet të presin derisa Princi Charles, trashëgimtari i fronit, të bëhet mbret, në atë moment, ata do të ishin nipërit dhe mbesat e monarkut, dhe do të kenë të drejtën e titujve, të quhen princa ose princesha.
Kjo është arsyeja pse bijat e Princit Andrew – Beatrice dhe Eugenie – ishin princesha që nga lindja.
Dukesha e Sussex, Megan ishte me të vërtetë në dijeni në lidhje me protokollin.
Gjatë intervistë ajo iu referua kongresit George V, që do të thotë se djali i saj Archie do të bëhej princ, kur “babai i Harryt të bëhet mbret”.
Mirëpo, ajo vazhdoi duke thënë se iu është thënë gjatë kohës kur ishte shtatzënë se “ata duan të ndryshojnë këtë rregull për Archie”, në mënyrë që ai të mos bëhet princ.
Ajo nuk dha detaje për sa i përket kësaj çështjeje, dhe Pallati Buckingham nuk ka komentuar deklaratat e Dukeshës.
