Ina Aderi ka folur për herë të parë hapur mbi fundin e marrëdhënies së saj me Kejsi Hysenin, duke i dhënë fund aludimeve që kanë qarkulluar prej javësh në rrjetet sociale.
E ftuar në emisionin sportiv “Top Arena”, ish-banorja e “Big Brother VIP Albania 5” iu përgjigj pyetjeve të drejtpërdrejta të moderatorit Mateo Borri, ku konfirmoi se historia e dashurisë mes saj dhe Kejsit ka marrë fund.
Çifti, i cili u njoh dhe krijoi lidhjen gjatë qëndrimit në shtëpinë e “Big Brother VIP Albania 5”, arriti të fitonte simpatinë e publikut dhe tërhoqi vëmendje të madhe edhe pas përfundimit të spektaklit. Megjithatë, marrëdhënia e tyre nuk arriti të mbijetonte jashtë kamerave.
Lexo edhe:
Sipas Inës, arsyeja kryesore e ndarjes lidhet me mospërputhjet në karakter dhe mënyrën e të parit të gjërave, duke bërë që dyshja të merrte rrugë të ndryshme.
Megjithatë, ajo u shpreh se nuk ka asnjë pendesë për eksperiencën e përjetuar. Ina theksoi se gjithçka që ndodhi mes tyre ishte e sinqertë dhe se ndjenjat që shfaqi gjatë qëndrimit në shtëpinë më të famshme në Shqipëri ishin reale.
“Në atë moment kam ndjekur zemrën dhe kam bërë atë që kam ndier”, -la të kuptohet ajo gjatë intervistës, duke treguar se e ka jetuar historinë e saj pa rezerva dhe përpara publikut.
Pas ndarjes, të dy kanë zgjedhur të fokusohen te projektet dhe angazhimet e tyre profesionale, duke vazhduar rrugëtimin secili më vete dhe larg vëmendjes së vazhdueshme të mediave rozë.
