Në kuadër të Javës Globale të Sipërmarrjes, u zhvillua në Elbasan tryeza në mbështetje të grave sipërmarrëse. Në bashkëpunim edhe me Dhomën Ekonomike të Gruas si dhe me mbështetjen e deputetes së Partisë Socialiste për qarkun e Elbasanit, Sara Mila u garantua mbështetja e vazhdueshme për sipërmarrëset gra jo vetëm në këtë qark, por në mbarë vendin për të çuar në nivele ndërkombëtare ecurinë dhe zhvillimin e tyre në botën e biznesit.
“Ky takim është një mundësi për të ndërlidhur realitetin tuaj me rrugëtimin tonë drejt Bashkimit Europian. Integrimi europian nuk është vetëm politik. Ai është mundësi ekonomike, dhe gratë sipërmarrëse janë ndër aktorët më të rëndësishme të këtij transformimi” u shpreh deputetja Mila.
Një nga problemtikat që u parashtrua në tryezë nga sipërmarrëset gra në Elbasan ishte vështirësia në përfitimin e kredive të buta, duke u nisur nga fakti që ekonomik është shumë i veshtirë për tu garantuar nga vetë gratë. Dhoma Ekonomike e Gruas e përfaqësuar në këtë tryezë nga Sabina Osmani dhe Antonela Hako, ka ofruar asistencë falas për sipërmarrëset për ti ndihmuar në procedurat rregulluese në lidhje me kriteret që duhet të përmbushin bizneset e tyre përpara se të bëhemi pjesë e BE.
Lexo edhe:
“Që të rritemi më tej, na duhet: rrjetëzim, informim, partneritet dhe një zë i përbashkët për të adresuar sfidat dhe nevojat tuaja reale. Unë dua që secila prej jush ta shohë këtë takim si një hap drejt një horizonti më të gjerë: Jo vetëm Elbasan, por Shqipëri. Jo vetëm Shqipëri, por treg europian, theksoi deputetja Mila.
