Egli Tako ka qenë e ftuar në emisionin “Pardon My French” për një intervistë ekskluzive me Jonida Aliçkollin dhe Lei Krajën.
Këngëtarja e njohur ka zbuluar shumë detaje jo vetëm për karrierën e saj muzikore, eksperiencën në shtëpinë më të famshme, jetën personale dhe jo vetëm kaq…
Lei e pyeti Eglin në lidhje me preferencat e saj për një mashkull nëse kanë ndryshuar tani pas përfundimit të Big Brother VIP, artistja u përgjigj duke shpjeguar gjithçka.
Lexo edhe:
Po, në fakt më kanë ndryshuar gustot. Kam kuptuar që dua diçka tjetër, meritoj diçka tjetër nga një marrëdhënie romantike sepse e njoh veten time, e di çfarë njeriu jam, e di se sa shumë bëj dhe jap te një njeri. Meritoj të marr të njëjtën vëmendje nuk po them më tepër, por pse jo edhe më tepër sepse në fund të fundit jemi vajza dhe e meritojmë. Të paktën të njëjtën dashuri dhe pastërti që dhuron.
Gjatë një pyetësori të shpejtë “Pyetje-Përgjigje”, kur u pyet për partnerin dhe tiparet që do t’i pëlqenin ajo u shpreh:
Nuk jam natyrë që e dua partnerin e bukur, të jetë i këndshëm, i lezetshëm, burrëror dhe po të ketë pak humor.
Kur Jonida e pyeti në lidhje me gjendjen sentimentale dhe a është e hapur për një marrëdhënie të re, Egli tha se:
Di që jam shumë mirë me veten time dhe në momentin që je shumë mirë me veten gjërat e bukura vijnë. Unë jam e hapur për çdo gjë që Zoti e ka bërë risk për mua, jam pak me këtë mentalitetin që gjërat janë të shkruara dhe ndonjëherë kur i kërkon është më keq. Unë po jetoj jetën time shumë e lumtur, shumë falenderuese ndaj Zotit dhe ndaj çdokujt që jam kaq e përmbushur sa sot.
Për momentin fokusi është kujdesi ndaj Eglit.
