Moti përkeqësohet/ IGJEUM paralajmëron reshje me intensitet të lartë, ja zonat në rrezik

Sot pasdite, e diel, datë 26 dhe nesër e hënë, datë 27 do të ketë reshje me intensitet të lartë kryesisht në veri dhe qendër të vendit.

Sipas parashikimit nga Instituti i Gjeoshkencave, në qarqet Shkodër, Kukës, Dibër, Lezhë, Durrës, Tiranë, Elbasan dhe Vlorë mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Sot pasdite dhe nesër priten reshje intensive deri lokalisht shumë intensive në qarqet Shkodër, Kukës, Dibër dhe Lezhë ndërsa në qarqet e tjera priten reshje mesatare deri lokalisht intensive. Reshjet në të gjithë vendin do të shoqërohen me shtrëngata.

Lexo edhe:

Rriten temperaturat, njihuni me parashikimin e motit për sot

Parashikimi i motit 21 mars 2026. Zbuloni si do të jenë kushtet atmosferike

Mësoni si do të jetë moti ditën e sotme, kushte atmosferike të paqëndrueshme

Vijon moti i paqëndrueshëm në vendin tonë, zbuloni parashikimin për ditën e sotme

Temperaturat:

Nesër temperaturat minimale dhe maksimale të ajrit pritet të arrijnë:

në bregdet: 13 / 20°C

në vendet e ulëta: 8 / 19 °C

në vendet malore: 7 / 15 °C

Era

Sot pasdite dhe nesër era pritet të fryjë e lehtë deri mesatare ndërsa në bregdet dhe zonat malore deri e fortë.