Zv.kryeministrja e njëherësh Ministrja e Infrastrukturës dhe Energjisë, Belinda Balluku, është caktuar drejtuesja e PS-së për fushatën e zgjedhjeve të pjesshme në Tiranë.
Kjo është lëvizja e radhës lidhur me organizimin e zgjedhjeve të parakohshme në kryeqytet, pas shkarkimit të bujshëm të Erion Veliajt nga Këshilli Bashkiak, vendim që pritet të vuloset sot prej Këshillit të Ministrave, në orën 12:00.
Pa u mbushur 24 orë, kryeministri Edi Rama zhvilloi një takim dje, 24 shtator, me stafin e bashkisë dhe kryetaren e komanduar Anuela Ristani. E pranishme ishte edhe Ogerta Manastirliu, kandidatja zyrtare e PS-së për këtë post.
Lexo edhe:
Nga ky takim me dyer të mbyllura në kryeministri, nuk morëm vesh shumë, ndërsa në orën 18:00 të mërkurën, diskutimi për zgjedhjet e pjesshme në kryeqytet vijoi me praninë e mediave.
Në takimin e tij me deputetë socialistë dhe ministra, kreu i qeverisë theksoi se shkarkimi i Veliajt ishte i domosdoshëm duke sinjalizuar urgjencën për zgjedhje të reja.
