Me vendim të Këshillit të Ministrave, tre zv.ministra janë liruar nga detyrat e tyre pasi këtë muaj do të marrin postin e deputetit.
Nga ministria e Turizmit dhe Mjedisit është shkarkuar zëvendësministrja Ilva Gjuzi, ndërsa nga Infrastruktura dhe Energjia është liruar Ceno Klosi. Po ashtu, Romina Kuko, zv.ministre e Brendshme, ka dhënë dorëheqjen nga pozicioni i saj.
Këto janë vetëm lëvizjet e para, ndërsa kryeministri Edi Rama pritet të zbulojë së shpejti skuadrën e katërt qeverisëse. Asambleja socialiste do të mblidhet më 11 shtator në orën 10:00, ku do të konfirmohen ministrat aktualë dhe kandidatët për postet e reja.
