Drejtuesi i televizionit lokal ALPO RTV, Aristotel Petro, ishte ditën e sotme në emisionin “Shqipëria Live” për të folur në lidhje me video, ku ai shfaqet duke prekur në vende intime një vajzë, në vendin e punës.
Video në fjalë është publikuar nga gazetari, Telnis Skuqi, i cili e akuzon për pedofili dhe përfitime seksuale ndaj vajzave të reja që i merr në punë në televizion.
Petro shprehet se e ka parë videon dhe e pranon se është ai në videon në fjalë. Por ai hedh poshtë në mënyrë kategorike se e ka ngacmuar vajzën në fjalë.
“E kam parë dhe jam informuar këto ditë për çdo gjë që ka bërë zotëria në fjalë, Telnisi. Para se të flasim për këtë video, dua që të jemi sa më transparent. Kush është ai që akuzon dhe kush akuzohet. Në atë video jam unë, i tëri dhe i bëri. Nuk e mohoj përkatësinë time në video”, tha Petro.
Sipas tij, video është një kurth nga ana e Telnisit. “Ky është një kurth i ngritur nga mua në drejtim të atij që luan rolin e gazetarit, por që është në shërbim të dikujt tjetër. Edhe prania e asaj vajze e dija që është kurth, dhe kam bërë lojën time. Siç kanë bërë ata lojën e tyre, ashtu bëra edhe unë lojën time. Unë e dija që nga pas regjistrohesha nga njerëz që i paguaja në punë, e paguhen edhe nga ai person.
Unë isha në studio kisha kamerën para. Varet se çfarë po diskutonim, isha duke dalë para emisionit dhe i thashë: Hajde zemra e vogël ik, nuk mund të dalësh këtu.
Te këmba mund të ketë shkuar gabimisht, nuk është qëllimisht. Është diçka pa dashje. Shkarja e dorës është pa dashje, herën e dytë. Doja ta kaloja dorën në pozicionin që po bëja punët e tjera”, shprehet Petro.
