BBC i ka kushtuar vëmendje një zbulimi të rëndësishëm arkeologjik në Liqenin e Ohrit, që besohet të jetë vendbanimi liqenor më i vjetër në Evropë. Zbulimi i bërë nga ekipi i kërkimit nga Zivra dhe Shqipëria ofron të dhëna që sugjerojnë se një komunitet i organizuar gjuetarësh dhe bujqish ka jetuar aty rreth 8,000 vite më parë.
“Është rreth 6 hektarë, dhe deri tani s’kemi bërë as edhe 600 metra katrorë. Pra, kjo është vetëm një vrimë e vogël për të parë brenda të gjithë zonës. Do të thosha që kemi bërë më pak se 1% të gërmimeve”, thotë për BBC profesori Albert Hafner nga Universiteti i Bernës.
Arkeologët po punojnë rreth tre metra nën sipërfaqen e ujit për të rikuperuar me kujdes shtyllat prej druri që dikur mbështesnin shtëpitë mbi liqen. Ekipi ka gjetur gjithashtu edhe eshtra të kafshëve, vegla prej bakri si dhe objekte qeramike të gdhendura, dëshmi të një jete të zhvilluar dhe të organizuar në lashtësi.
