Mat, Shqipëri — Princ Leka ka realizuar një vizitë të veçantë në vendlindjen e tij, Matin, ku ka qëndruar në Burgajet, në tokën historike të sarajeve të Mbretit Zog.
Kjo vizitë shënon një moment të rëndësishëm për trashëgiminë mbretërore, pasi përkon me planin për rindërtimin e sarajeve të dikurshme në një projekt që do të rikthejë historinë në zemrën e këtij vendi simbolik.
Vip Magazine mësoi se Princ Leka është tashmë i lidhur me një studio arkitekturore prestigjioze për të realizuar këtë projekt ambicioz, i cili do të përfshijë ambiente muzeale të hapura për publikun, si dhe një rezidencë private për familjen mbretërore.
Lexo edhe:
Synimi është të krijohet një hapësirë që ruan vlerat historike, ndërkohë që i jep frymë moderne trashëgimisë së brezave.
Ky projekt pritet të ndikojë pozitivisht në zhvillimin kulturor dhe turistik të zonës, duke ofruar një destinacion të ri me vlera kombëtare për qytetarët dhe vizitorët.
