Andi Vrapi, gazetari i njohur i showbizz-it shqiptar ka qenë së fundmi i ftuar tek Top Albania Radio. Teksa tema e bisedës ishin ndarjet e personazheve publike, ndër to është përmendur edhe ndarja e bujshme e Era Istrefit me menaxherin e saj Faton Shoshin.
“Ndarja nuk ka ardhur aq miqësisht saç thuhet. Era nuk është prononcuar kurrë për këtë gjë, ndërsa Fatoni ka thënë që janë ndarë miqësisht dhe ruajnë raporte të mira. Burime pranë të dyve thonë se ndarja ka ardhur si pasojë e kontratës së bërë me Ultra Music. Ultra Music i ka dhënë Erës një buxhet, i cili u menaxhua nga Fatoni. Ky buxhet ishte për të realizuar projekte, ku fitimet fillimisht do i shkonin Ultra Music dhe më pas do të ndaheshin.
Lexo edhe:
Sipas burimeve, këto para nuk kanë shkuar kurrë për projekte, kanë shkuar për gjëra të tjera, pra janë shpërdoruar dhe ka patur shumë pak projekte dhe shumë të vakta, të cilat nuk justifikonin shifrën e dhënë nga Ultra Music. Ultra i ka kërkuar paratë mbrapsht dhe në këto momente ka ndodhur edhe ndarja, ku Fatoni u largua gjithashtu nga menaxhimi i Erës, duke ia lënë të gjithë barrën e kthimit të parave Erës,” është shprehur Andi.
