Një aksident me vdekje ndodhi mbrëmjen e djeshme, ku një makinë u përplas me një furgon në aksin rrugor Elbasan- Bradashesh.
Si pasojë e aksidentet, Klevis Deda, 26 vjeç, humbi jetën, ndërsa drejtuesja e mjetit është në koma. Ai ishte në makinën tip Volkswagen kabriole bashkë me një person tjetër.
26 vjeçari i kishte lënë ta drejtonte makinën pasagjeres, me të cilën udhëtonte. Nga aksidenti mbetën të plagosur edhe 5 persona, të cilët ishin pasagjerë në minibus.
Klevis Deda ishte babai i një vajze të vogël, e cila në javën e parë të muajit shkurt do të bëjë 3 vjeçe.
