Alkooli dhe duhani janë të ndaluara për nënat në pritjë të ëmbël, për shkak të rrezikut që foshnja mund të pësojë dëmtime fizike ose të trurit. Megjithatë, askush nuk mendon për dëmin që mund të rezultojë nga konsumimi i alkoolit nga babai i ardhshëm. Një studim i botuar në “Journal of Clinical Investigation” hetoi lidhjen midis Sindromës së Alkoolit Fetal (FAS ) dhe konsumit të alkoolit nga babai përpara se të ndodhë shtatzënia.
Studiuesit studiuan minjtë për të kuptuar se çfarë ndodh me fetusin kur nëna, babai ose të dy prindërit konsumojnë rregullisht alkool. Michael Golding, një nga autorët tha se:
Ne kemi parë që ekspozimi i babait ndaj alkoolit shkakton dallime edhe më të qarta kraniofaciale tek fëmija i palindur sesa ekspozimi i nënës. Sperma ndikon shumë në organizimin dhe proporcionin e tipareve të fytyrës dhe në rritjen e fetusit.
Lexo edhe:
Sipas Golding, studimi nxjerr në pah nevojën për të bërë dy ndryshime kryesore në qasjen ndaj shtatzënisë. Së pari, për të njohur rëndësinë e shëndetit të mashkullit në shëndetin e fetusit dhe së dyti, duhet të kuptoni se të dy prindërit, jo vetëm nëna, janë përgjegjës për parandalimin e FAS.
Aktualisht ju pyesni vetëm nënën nëse konsumon zakonisht alkool, por duhet të pyesni edhe babain. Është e rëndësishme që të dy prindërit të kufizojnë ose të shmangin konsumimin e alkoolit kur përpiqen të kenë një fëmijë.
Konsumimi i alkoolit gjatë shtatzënisë mund të ndryshojë strukturën e trurit dhe të vonojë zhvillimin e trurit të foshnjës, sipas një studimi të ri. Shkencëtarët analizuan skanimet MRI të fetuseve, nënat e të cilëve kishin raportuar se kishin pirë alkool gjatë shtatzënisë së tyre, duke i krahasuar ato me skanimet e foshnjave, nënat e të cilëve nuk kishin konsumuar as 1% alkool. /Top Albnia Radio/
