Fill pas vrasjes së Petrit Vuksanit, ekzekutori i krimit nën kërcënimin e armës ka shkuar në një banesë duke i kërkuar të zonjës së banesës që të mos raportojë në polici ngjarjen.
Në dëshminë dhënë para uniformave blu grua e marrë “peng”, nga Lekë Vuksani është shprehur se 34- vjeçari e njihte mirë zonën se më përpara kishte jetuar në një shtëpi tjetër me qira.
Sipas saj ai është futur në banesë me armë në dorë dhe i ka kërkuar që të mos bëjë asnjë reagim.
Lexo edhe:
“Leka erdhi në banesën time dhe u fut brenda pasi më kërkoi t’i hapja derën. Kur u fut shoh që kishte armën në dorë dhe nuk dija si të veproja. Leka më tha se nuk do të bëj asgjë ndaj mos u tremb, kam ardhur vetëm për të qëndruar këtu. Nuk e dija se çfarë të bëja sepse ishte errësirë. Më tha që të mos tregoj se ndodhej aty deri sa erdhi policia dhe e arrestoi. Pavarësisht se më tha që të mos kem frikë, isha e frikësuar edhe pse gjatë kohës që qëndroi bëri një sjellje normale”, deklaroi gruaja në banesën e të cilës qëndroi për disa orë autori i dyshuar i vrasjes.
Ndërkohë kujtojmë se dy ditë më parë 34 vjeçari ka vrarë me armë zjarri në banesën e tij Petrit Vuksanin i cili kishte rreth një muaj i ardhur nga Anglia.
51 vjeçari shkoi për të nxjerrë jashtë Lekë Vuksanin që ia kishte dhënë shtëpinë me qira për shkak se nuk kishte kryer pagesat. 34 vjeçari u rikthye në banesë duke e gjetur të vetëm Petrit Vuksani ndërsa qëlloi ndaj tij me automatik duke e lënë të vdekur në vend, ngjarje që ndodhi më 2 prill rreth orës 12:15 në lagjen “Tom Kola” në Shkodër.
Pas 21 orësh kërkimesh, policia e Shkodrës dhe Forcat Renea bënë arrestimin e autorit të dyshuar të kësaj vrasje Lekë Vuksani si dhe u sekuestrua edhe arma e krimit. Viktima dhe autori nuk kanë asnjë lidhje gjaku mes tyre edhe pse mbajnë të njëjtin mbiemër, vetëm njiheshin duke qenë se të dy janë nga Dukagjini.
