Lisandër Hoxha ka deklaruar se Sali Berisha e ka marrë tashmë Partinë Demokratike.
I ftuar në Publikisht në RTSH, Hoxha u shpreh se askush nuk mund t’i mbajë demokratët larg shtëpisë së tyre, ndërsa ironizoi Bashën duke thënë se kur ata futen në seli ai mbyllet me çelës në zyrë.
“Partinë e kemi marrë. Në politikë ka garë. Ai që dominon njerëzit, bëhet drejtuesi i kësaj force politike. Sot u është kthyer qytetarëve shqiptarë besimi se kjo forcë politike po ringrihet. Ne do i bëjmë thirrje. Demokratët janë zot shtëpie në PD. Nuk ka bir nëne, as Lulzim Hoti as Koti t’i mbajë demokratët larg shtëpisë së tyre. Nëse ne shkojmë në PD, zotëria mbyllet në dollap. Hera e parë që pashë njerëz që u mbyllën në një zyrë me çelës”, u shpreh Hoxha.
Ai foli për procesin e 18 Dhjetorit që sipas tij do të sjellë shkarkimin e Bashës ndërsa theksoi se nuk i njohin as anëtarët e kryesisë në funksionet e tyre.
Lexo edhe:
“Po të ishte Basha shumica nuk do kishte nevojë për këto veprime. PD zyrtare sot drejtohet nga Komisioni i Rithemelimit. 80% e strukturave të PS nuk i binden më Lulzim Bashës. Janë ca gjëra ku nuk mund të mbrohet Basha megjithë dëshirën e mirë. Kjo nuk është autokraci. Është qesharake. Është i shkarkuar dhe po tenton të organizojë një Kuvend kombëtar të paligjshëm.
Kryesia e PD janë të zgjedhur në funksionet e tyre pra se të shkarkoheshin. Ata u zgjodhën pa votim të fshehtë dhe pa alternativa. Në këtë situatë ka një shqetësim madhor. Shqipëria është vendi më i korruptuar i Europës. T’i japim oksigjen Edi Ramës me këtë?! Ne e kemi marrë PS. Ai të bëjë gati valixhen të ikë në Holandë. Ftoj demokratët ta shkarkojnë nesër”, tha ai.
