Rreth dy javë pas vrasjes makabre të 8-vjeçarit Mateo Vasiu nga fqinji i tij Klodian Çalamani në Fier, në derën e familjarëve të të miturit ka trokitur një dashamirës i cili ka gdhendur në letër portretin e qeshur të djalit të tyre.
Piktori Geol Voci nga qyteti i Elbasanit ka pikturuar Mateon dhe ka udhëtuar drejt Fierit për të mbërritur në shtëpinë e prindërve të tij.
Aty ai është takuar me nënën, babanë, gjyshen dhe vëllanë e Mateos të cilët kanë pozuar bashkë me Vocin dhe veprën e krijuar prej tij.
Mateo Vasiu u vra nga fqinji i tij Klodian Çalamani në shtëpinë e tij pasditen e 16 nëntorit.
