Një atentat ndodhi këtë mbrëmje në Shkodër, si pasojë e të cilit mbeti i vrarë ish-deputeti dhe ish-kryetari i Komunës së Velipojës Pashko Ujka. Ai u qëllua me armë zjarri me silenciator në afërsi të shtëpisë së tij.
Pasjko Ujka ka mbajtur edhe postin e deputetit në disa legjislacione. Në vitet 2005-2009 ai lëvizi nga Partia Aleanca Demokratike te PDK e Nard Ndokës, ku ushtroi për disa kohë funksionin e kreut të grupit parlamentar.
Në vitin 2009 ai pati disa mosmarrëveshje me Nard Ndokën dhe u shkarkua nga ky i fundit. Në vitet 2011-2015 Ujka ka qenë në krye të Komunës së Velipojës. Mësohet se atentati i sotëm ndaj tij nuk është i pari, pasi ai ka qenë në “shënjestër” edhe dy herë të tjera.
Lexo edhe:
“Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve. Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit. Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes”, tha policia në njoftimin paraprak për mediat.
