Lamtumirë xhaketave prej lëkure, në Korenë e Veriut! I vetmi që mund t’i veshë, do të jetë lideri i koreanëve, Kim Jong-un.
Ky vendim nuk ka të bëjë aspak me luftën kundër stilit të jetesës kapitaliste dhe as me mbrojtjen e kafshëve.
Koreja e Veriut ka ndaluar xhaketat prej lëkure, në mënyrë që njerëzit të mos duken si Kim Jong- un. Veshjet prej lëkure u veshën nga Kim Jong-un në dhjetor 2019 dhe që atëherë janë bërë një trend në mesin e klasës elitare për të treguar besnikërinë dhe mbështetjen e tyre ndaj Udhëheqësit Suprem.
Por kohët e fundit, duke pasur parasysh përhapjen e imitimeve të falsifikuara, ka ardhur një vendim drastik: mbyllja e dyqaneve që i shesin. Gjithçka nga frika se ky “standardizim” cenon autoritetin e tij.
Në fakt, ka shumë gjëra që ndalohen në Korenë e Veriut. Për shembull, parukierët dhe berberët duhet të ndjekin rregulla të rrepta: burrat duhet t’i presin flokët mbi veshë, ndërsa grave u rekomandohet t’i presin pas kokës.
Tamponët menstrualë dhe pecetat higjienike janë të kufizuara në këtë shtet. Kompani ndërkombëtare të mëdha si: McDonald’s, KFC ose Burger King në Korenë e Veriut nuk gjenden askund, pasi promovohet ushqimi tradicional.
