Presidenti i Republikës së Shqipërisë përgjohet nga shërbimet sekrete, të brendshmë dhe të huaja.
Kështu pretendon Ilir Meta, ndërsa deklaratën e fortë e bërë gjatë një interviste.
Kreu i shtetit, po tregonte bisedën që ka zhvilluar me Gramoz Ruçin lidhur me anulimin e zgjedhjeve të 30 qershorit të vitit 2019, por sipas tij, ai u detyrua të mos fliste për çdo detaj në telefon, pasi përgjohej.
Lexo edhe:
“Unë mendova ta takoja zotin Ruçin përpara mitingut që mos ta bëja fakt të kryer. Nuk kisha kohë të bëja një takim gjithëpërfshirës. Isha në avion dhe telefonova Ruçin, për anulimin e zgjedhjeve lokale të 30 qershorit. S’kisha kohë për takim të gjerë shumë palësh dhe mendova të flas vetë me Ruçin. Sigurisht s’ja thash të gjitha se telefonat tanë përgjohen. Presidentin e përgjojnë nga të gjithë. Nga të gjithë përgjohen, të brendshëm dhe të huaj. Por unë se kam problemin me këtë. Jam krenar se s’kam gjë për të fshehur” deklaroi Meta.
Lidhur me qëndrimet e ambasadores amerikane ndaj tij, Meta pati një reagim të ashpër. Ai citoi një deklaratë të një intelektuali duke u shprehur se “sot ambasadat janë streha e fundit e maskarenjve”.
“PD do ishte ndarë në dy copë, me forcë, me dhunë, si parti që donte dhe nuk donte reformën. Unë nuk ngatërrohem me ambasadat. Një intelektual më tha një gjë të mençur.Tha dikur thuhej se nacionalizmi është streha e fundit e maskarallëkut, sot ambasadat janë streha e fundit e maskarennjve. Këto histori me pro amerikanë, me pro gjermanë, antiamerikanë e antigjermanë, duhet të marrë fund”, deklaroi Meta.
