Agroni ka vendosur të rrëfejë për jetën e tij të çrregullt që ka bërë në Itali tek “Ka një mesazh për ty”. Ai ka treguar se është marrë me shpërndarje droge në Itali për shumë vite dhe shpesh herë ka përfunduar në burg. Por kjo gjë nuk e ka penguar atë të hiqte dorë nga kjo jetë, ku filloi dhe vetë ta konsumonte.
Pjesë nga intervista në emision
Ardit Gjebrea: Pra ti dilje nga burgu merreshe prapë me shpërndarje droge, futeshe prapë. Dilje prapë dhe merreshe prapë dhe futeshe prapë. Cili ishte momenti që të ndryshoi jetën që të bëri të kuptosh se kjo nuk është rruga e duhur?
Lexo edhe:
Agroni: Unë njoha një femër të gabuar atje dhe për mua ishte jeta ideale. Edhe ajo ishte e kësaj bote. Kur u futa në burg për herë të dytë ata më dhanë gjysmë liri, dilja ditën dhe natën kthehesha në burg. Ditën punoja.
Ardit Gjebrea: Kur thua punë, e ke fjalën për punën e tmerrshme?
Agroni: Po punën e tmerrshme.
Ardit Gjebrea: Pra gjatë ditës bëje punën e tmerrshme dhe në darkë shkoje në burg?
Agroni: E forta ishte se shkoja dhe në lokal në darkë nja 1 orë para se të shkoja në burg.
Ardit Gjebrea: Ti e përdorje vetë?
Agroni: Fillova me kalimin e kohës, ndonjëherë hajd të bëjmë ndonjë vizë. Unë nuk pija as cigare e as alkool, por kur fillon jetën e natës, fillojnë radhë pastaj.
Ardit Gjebrea: Pse ma përmende atë femrën?
Agroni: Ajo ka qenë goditja ime në kthesë. Ajo femër ishte e çrregullt dhe më uli mua puplat me shokët. Kur dola nga burgu më tha që kam ngelur shtatzënë me ty dhe sot kam një çupë shumë të bukur 17 vjeç.
Ardit Gjebrea: Nëna e vajzës tënde çfarë jete bën sot?
Agroni: Të çrregullt.
Ardit Gjebrea: Po vajza jotë?
Agroni: I rri unë si mbështetës me këtë jetë që kam.
