Këngëtari i njohur, Genc Prelvukaj, ka reaguar përmes rrjeteve sociale në lidhje me dy kosovarët që u gjobitën me rreth 2 mijë euro në Shqipëri.
Dy shoferët kosovarë me rezidencë në Zvicër po ecnin me shpejtësi të madhe me makinat e tyre luksoze. Kur atyre iu bë shenjë nga policia shqiptare që të ndalonin, nuk iu bindën urdhrit.
Ata u ndaluan në qytetin e Vlorës nga punonjës të tjerë policie dhe u gjobitën 168 mijë lekë drejtuesi i “Lamborghini”-t dhe 120 mijë lekë drejtuesi i BMW-së.
Lexo edhe:
Ndërkohë përmes një postimi në “Facebook”, Prelvukaj shprehet se këta shoferë duhet që t’i nënshtrohen testeve mjekësore për t’u përcaktuar nëse janë normalë apo jo.
Ai tha se ironia është se shoferët nga Zvicra atje i nënshtrohen rregullave në përputhje me ligjin atje ndërsa këtu nuk kanë turp fare. Këngëtari i njohur shtoi se nëse ata do të provonin të vozitnin kështu në Serbi apo Mal të Zi do të përfundonim ndryshe.
Postimi i Gencit pa ndërprerje:
Këta duhet fillimisht të dërgohen në kontrollë mjekësore pastaj nëse rezultojnë normal të hapet proces gjyqësor dhe të zbatohen dënimet maksimale. Dy mije e treqind janë shumë pak.
I japin makinave (të cilat i paskan marrë me rent) 230km në orë, në rrugë të kufizuara në 80km. Shpërfillin policinë e Shqipërisë duke ikur dhe mos ndaluar në kontroll. Rrezikojnë për vdekje njerëz tjerë”, u shpreh këngëtari.
“Ironia është që shoferët ishin shqiptarë të Kosovës, rreth të dyzetave, me banim të përhershëm në Zvicër, të cilët i nënshtrohen me perpikmeri rregullave atje. Rruga e tyre për të ardhur bie nga Serbia ose Mali i Zi. Të provojne ti japin makinës atje në kete menyre dhe te ikin nga kontrolli i policisë!
Turp i madh. Nderojnë rregullat e shteteve të huaja, ndër ta edhe të shteteve me armiqësi ndaj nesh dhe poshtërojnë uniformën e Shqipërisë dhe Kosovës, shtete prej nga janë me origjinë. Plus rrezikojnë fëmijet, gratë e burrat e gjakut të tyre.
