Reperi me famë botërore, Kanye West, ka organizuar së fundmi një festë. Shkak është bërë albumi i tij më i ri, ku ka luajtur edhe një këngë ku përshkruan martesën e tij me yllin e televizionit, Kim Kardashian.
Mediat e huaja shkruajnë se në momentin që u vendos kënga “Welcome to my life”, e cila thuhet se flet për problemet në jetën e tij personale, Kanye ka shpërthyer në lot.
Në këngën në fjalë, West e përshkruan shtëpinë në të cilën ka jetuar me ish-bashkëshorten si një “burg”. Teksti i këngës prek divorcin e tij nga Kim Kardashian, dështimin për të konkurruar si President i SHBA-ve etj.
Lexo edhe:
“Është në këngë shumë e thellë, e trishtë për Kanye, në të cilën ai reflekton për martesën me Kim. Ai flet për fëmijët dhe përmend atë që merr gjithçka. Pasi luajti këtë këngë, ai ndali për 2 minuta dhe qau. Ishte shumë i zymtë”, është shprehur një burim për “The Sun”.
Festa e organizuar nga Kanye West u mbajt për publikimin e albumit të tij të 10-të, që titullohet Donda, në nder të nënës së tij të ndjerë. Thuhet se albumi do të publikohet ditën e premte.
